کراچی: کسانوں کو کپاس کے لیے اعلانیہ نرخ نہ ملنے پر آصف زرداری نے اظہار تشویش کیا ہے۔
تفصیلات کے مطابق سابق صدر آصف علی زرداری نے کسانوں کو کپاس کے لیے وفاقی حکومت کی جانب سے اعلانیہ نرخ نہ ملنے پر اظہار تشویش کر دیا ہے۔
آصف زرداری نے کہا کہ کسانوں کو اعلانیہ امدادی قیمت 8500 روپے فی من کے مطابق ادائیگی نہیں کی جا رہی، آبادگاروں اور کسانوں کو ان کا پورا حق ملنا چاہیے۔
- Advertisement -
انھوں نے زور دیا کہ وفاقی حکومت کسانوں کو کپاس کے اعلانیہ نرخ دلوانے کے لیے اقدامات کرے، اور آبادگاروں اور کسانوں کی مایوسی دور کرنے کے اقدامات کیے جائیں۔
سابق صدر نے کہا صوبائی حکومتیں بھی کاشتکاروں کو ان کا پورا حق دلوانے میں اپنا کردار ادا کریں، میں سندھ حکومت کو ہدایت کرتا ہوں کہ کسانوں کو ان کا حق دلوانے کے لیے اقدامات کرے۔
