نواز شریف اور آصف زرداری کا ٹیلیفونک رابطہ ہوا ہے جس کے بعد سابق صدر ان کا پیغام لے کر ایک بار پھر چوہدری شجاعت کے گھر روانہ ہوگئے ہیں۔
اے آر وائی نیوز کے مطابق پاکستان مسلم لیگ (ن) کے قائد اور سابق وزیراعظم نواز شریف کا آصف زرداری سے ٹیلیفونک رابطہ ہوا ہے جس کے بعد سابق صدر ان کا اہم پیغام لے کر ق لیگ کے سربراہ چوہدری شجاعت حسین سے ملاقات کے لیے ایک بار پھر ان کے گھر روانہ ہوگئے ہیں۔
اس سے قبل نواز شریف اور فضل الرحمٰن میں بھی ٹیلیفونک رابطہ ہوا تھا جس میں دونوں رہنماؤں نے پی ٹی آئی کے خلاف جارحانہ حکمت عملی اپنانے پر اتفاق کیا تھا۔
واضح رہے کہ اس وقت پنجاب میں سیاسی ہلچل ہے۔ وزیراعلیٰ کے انتخاب کے لیے اسمبلی کا اجلاس سپریم کورٹ کے حکم کے باوجود ڈھائی گھنٹے گزر جانے کے باوجود تاحال شروع نہیں ہوسکا ہے۔ جس کے خلاف پی ٹی آئی توہین عدالت کی درخواست دائر کرنے جارہی ہے۔
سابق صدر آصف علی زرداری حمزہ شہباز کی حمایت کے حصول کیلیے دو روز کے دوران ق لیگ کے سربراہ چوہدری شجاعت حسین سے تین بار ملاقات کی تاہم انہیں اب تک مایوسی کا سامنا کرنا پڑا ہے۔
یہ بھی پڑھیں: پرویز الہٰی کے ساتھ ہوں، خط سے متعلق باتیں جھوٹ کا پلندہ ہیں، چوہدری شجاعت
چوہدری شجاعت حسین نے مونس الہٰی سے گفتگو کرتے ہوئے کہا کہ میں نے پرویز الہٰی کے خلاف کوئی لیٹر جاری نہیں کیا اور نہ ہی ایسا سوچ سکتا ہوں کہ ان کے خلاف کوئی لیٹر جاری کروں۔
