اشتہار

’پٹھان‘ 25 جنوری کو ریلیز ہوگی تم شادی 26 کو کرلو‘

نعمان ناصر
| By نعمان ناصر
اشتہار

حیرت انگیز

بالی ووڈ کے بادشاہ شاہ رخ خان نے مداح کے سوال پر اپنی نئی فلم ’پٹھان‘ کی ریلیز ڈیٹ 25 جنوری ہی بتادی۔

بھارتی اداکار شاہ رخ خان کی فلم ’پٹھان‘ ریلیز سے قبل ہی تنازعات کا شکار ہوگئی ہے پہلے اداکارہ دپیکا پڈوکون کو فلم کے گانے میں غیرمناسب لفاظ پہننے پر تنقید کا نشانہ بنایا گیا اس کے بعد انتہا پسندوں نے فلم میں مبینہ طور پر مذہب کو استعمال کرنے پر دھمکی دی ہے کہ پٹھان جس سنیما میں لگے اسے جلا دیا جائے۔

ایسے میں شاہ رخ خان نے سماجی رابطے کی ویب سائٹ ٹویٹر مداحوں کے ساتھ سوال و جواب کا سیشن رکھا اور مداحوں کے مختلف سوالات کے جوابات دیے۔

- Advertisement -

ایک مداح نے ان سے ساؤتھ انڈین اداکار رام چرن سے متعلق ایک لفظ کہنے کو کہا؟ جس پر شاہ رخ خان نے بتایا کہ ’وہ میرے پرانے دوست ہیں اور وہ میرے بچوں سے بھی بہت محبت کرتے ہیں۔

ایک مداح نے شاہ رخ خان سے کہا کہ ’میری شادی 25 جنوری کو ہے آپ پٹھان کو 26 جنوری کو ریلیز کریں؟ اداکار نے جواب دیتے ہوئے لکھا کہ ’تم شادی 26 کو کرلو ری پبلک ڈے پریڈ کے بعد اس دن چھٹی بھی ہے۔‘

طاہر انصاری نامی صارف نے پوچھا کہ ’گلوکار ارجیت سنگھ کے بارے میں آپ کیا سوچتے ہیں۔؟‘

شاہ رخ خان نے کہا کہ ’وہ بہترین گلوکار ہیں اگلا گانا اس کی آواز میں شامل کریں گے امید کرتا ہوں آپ لوگوں کو پسند آئے گا۔‘

فلم پٹھان کی ریلیز سے متعلق ایک صارف نے کہا کہ ’آپ فلم کی ریلیز کے دن سنیما میں پوپ کارن مفت کروادیں پہلے دن بہت مہنگے ہوتے ہیں؟

شاہ رخ خان نے مشورہ دیا کہ ’گھر سے کھانا کھا کر جانا پوپ کارن کی ضرورت نہیں پڑے گی۔‘

کنگ خان نے گزشتہ روز بھی سوال و جواب کا سیشن رکھا جس میں مداحوں کے سوالات کے جوابات دیے ، پٹھان کے ٹریلر کی ریلیز کے سوال پر انہوں نے مداح کو مسکراتے ہوئے جواب دیا کہ میری مرضی، جب اسے آنا ہوگا آجائے گا۔

Comments

اہم ترین

نعمان ناصر
نعمان ناصرhttps://arynews.tv/
صحافی و بلاگر، 6 سال سے اے آر وائی نیوز سے وابستہ ہیں

مزید خبریں

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2024