لاہور /پشاور : ملک میں بارشوں کا نیا سلسلہ تباہی کاپیغام لے آیا۔آسمانی بجلی گرنے سےجھلسنےوالے تین افراد میں سےایک شخص چل بسا۔ بارشوں سےمکانات منہدم ہوگئے،سڑکیں زیر آب آ گئیں۔
پنجاب ، خیبر پختوانخوا سمیت بالائی علاقوں میں گرج چمک کےساتھ بارشوں سے موسم تو خوشگوار ہوگیا لیکن ساتھ ہی بارشیں حادثات کا باعث بھی بنیں،۔
ڈی جی خان کے انڈس ہائی وےالحمد ٹیکسٹائل کے قریب آسمانی بجلی گرنے سے موٹرسائیکل سوار سمیت تین افراد جھلس گئے۔
متاثرہ افراد کو مقامی ہسپتال منتقل کیا گیا۔ ناران کےعلاقےبیسرمیں قیمتی پتھر کی کان پر برفانی تودہ گرنے سے چار مزدور زخمی ہوگئے جبکہ کئی لاپتہ مزدوروں کی تلاش جاری ہے۔
لکی مروت میں موسلا دھار بارش نے درجنوں مکانات منہدم کر دئیے۔ متاثرہ مکینوں کو محفوظ مقامات پر منتقل کردیاگیا ۔
کئی علاقوں میں ندی نالوں میں طغیانی سے سڑکیں بہہ گئیں اور بعض علاقوں کادیگرشہروں سےرابطہ منقطع ہوگیا۔
موسم کی خرابی کے باعث گلگت، اسکردو اور چترال جانے والی پروازیں منسوخ کر دی گئیں۔
