چیئرمین پاکستان تحریک انصاف اور سابق وزیر عمران خان پر حقیقی آزادی مارش کے دوران قاتلانہ حملے پر پاک فوج کے شعبہ تعلقات عامہ کا بیان سامنے آگیا۔
آئی ایس پی آر نے اپنے بیان میں کہا کہ گوجرانوالہ کے قریب لانگ مارچ میں فائرنگ کا واقعہ قابل مذمت ہے، ناخوشگوار واقعے میں قیمتی جانوں کے ضیاع پر افسوس ہے۔
بیان میں مزید کہا گیا کہ عمران خان اور تمام زخمیوں کی جلد صحت یابی کے لیے دعاگو ہیں۔
یہ بھی پڑھیں: عمران خان پر قاتلانہ حملہ ناکام بنانے والے کارکن کا بیان سامنے آگیا
چیئرمین پی ٹی آئی عمران خان کے کنٹینر کے قریب فائرنگ کی اطلاعات#ARYNews pic.twitter.com/fDQy9SyjWR
— ARY NEWS (@ARYNEWSOFFICIAL) November 3, 2022
خیال رہے کہ عمران خان پر وزیر آباد میں حقیقی آزادی مارچ کے دوران مسلح شخص کی جانب سے اس وقت فائرنگ کی گئی جب وہ کنٹینر پر دیگر راہنماؤں کے ساتھ موجود تھے۔ فائرنگ سے 6 افراد زخمی ہوئے جبکہ ایک شخص موقع پر ہی جاں بحق ہوگیا۔
فائرنگ کے بعد بھگدڑ مچ گئی اور کینٹینر پر موجود رہنما بھی گھبرا گئے۔ فائرنگ کے وقت قافلہ ظفر علی خان چوک کے قریب پہنچا تھا۔ کارکنان عمران خان کو ہاتھوں میں اٹھا کر کنٹینر سے گاڑی میں لے کر روانہ ہوئے۔
