ماسکو: روسی شہر کازان میں دلخراش واقعہ رونما ہوا ہے، جہاں مسلح افراد نے اسکول پر حملہ کردیا ہے۔
غیر ملکی میڈیا رپورٹ کے مطابق فائرنگ کا واقعہ جنوب مغربی روس کے شہر کازان میں میں پیش آیا ہے، جہاں مسلح افراد نے ایک اسکول پر اندھا دھند فائرنگ کی ہے، فائرنگ کے نتیجے میں ٹیچر سمیت نو طالب علم ہلاک جبکہ دس سے زائد افراد زخمی ہوگئے ہیں، فوری طور پر ہلاک طالب علموں کی عمر کا تعین نہیں ہوسکا ہے۔
مقامی پولیس کے مطابق فائرنگ اتنی شدید تھی کہ بچوں نےکلاس روم کی کھڑکیوں سے چھلانگ لگا کر جان بچائی، واقعے کی اطلاع ملنے پر پولیس کی بھاری نفری اور بیس سے زائد ایمبولینسز کو جائے حادثے کی جانب روانہ کیا گیا۔
پولیس کا کہنا ہے کہ حملہ آوروں کی تعداد دو ہے ، جو وقفے وقفے سے فائرنگ کررہے ہیں جبکہ اسکول سے دھماکے کی آواز بھی سنائی دی گئی ہے، پولیس نے اسکول میں داخل ہوکر سرچ آپریشن شروع کیا اور ایک حملہ آور کو حراست میں لے لیا ہے جبکہ دوسرے حملہ آور اسکول کے احاطے میں ہی موجود ہے ، جسے گرفتار کرنے کے لئے سرچ آپریشن کیا جارہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں