کراچی: صحافی اطہر متین قتل کیس میں پولیس نےاہم ملزم کو حراست میں لے لیا ہے، صوبائی وزیر سعید غنی نے تصدیق کردی ہے۔
ذرائع کے مطابق کراچی کے صحافی اطہر متین قتل کیس میں پولیس نے اہم ملزم کو حراست میں لے لیا ہے، ملزم کی گرفتاری گزشتہ رات سندھ بلوچستان بارڈر کے قریب سے عمل میں لائی گئی ہے۔
ذرائع کا کہنا ہے کہ جدیدٹیکنالوجی اور ہیومن انٹیلی جنس کی مدد سے کارروائی کی گئی، ملزم کو تحقیقات کے لئے کراچی منتقل کیا جارہا ہے جہاں متعلقہ افسران ملزم سے تفتیش کریں گے۔
سماء ٹی وی سے منسلک اطہر متین کے قتل میں ملوث ایک شخص اشرف کو سندھ پولیس نے گرفتار کرلیا ہے۔ انشا اللہ قاتل کو قانون کے مطابق سزا بھی دلوائی جائیگی۔ اس پورے کیس میں جسطرح پولیس نے جانفشانی سے کاوشیں کی ہیں وہ لائق تحسین ہیں اسی طرح سندھ پولیس پر عوام کے اعتماد میں آضافہ ہوگا۔
— Senator Saeed Ghani (@SaeedGhani1) February 26, 2022
صوبائی وزیر سعید غنی نے سماجی رابطے کی ویب سائٹ ٹوئٹر پر جاری بیان میں تصدیق کی ہے کہ صحافی اطہر متین کےقتل میں ملوث ایک شخص کی گرفتاری عمل میں لائی گئی ہے، جس کی شناخت اشرف کے نام سے ہوئی ہے۔
سعید غنی نے کہا کہ ہائی پروفائل کیس میں پولیس کی جانفشانی سے کاوشیں لائق تحسین ہیں، انشااللہ قاتل کو سزا دلوائی جائے گی سندھ پولیس پراعتمادبحال ہوگا۔
ملزم کا کرمنل ریکارڈر اے آر وائی نیوز پر
اے آر وائی نیوز نے اطہر متین کے قتل میں ملوث ملزم اشرف کا کرمنل ریکارڈ حاصل کرلیا ہے، ملزم کےخلاف 4 مقدمات کراچی کے مختلف تھانوں میں درج ہیں، ملزم اشرف کو کراچی میں پہلے بھی گرفتار کیا جاچکا ہے۔
پولیس کے مطابق اشرف اور اس کے ساتھی کراچی میں موٹر سائیکلیں چوری اور چھینے کی وارداتیں کرتے تھے اور بعد ازاں بلوچستان میں فروخت کرتےتھے، سرجانی ٹاؤن ،بریگیڈ ،نیوٹاؤن اور بہادر آباد پولیس پہلے اشرف کو گرفتار کرچکی ہے۔
