معروف پاکستانی گلوکار عاطف اسلم اور صبور علی کے نئے گانے ’زندگی‘ نے دھوم مچادی۔
پاکستانی گلوکار عاطف اسلم کا اداکارہ صبور علی کے ساتھ رومانوی گانا ‘زندگی’ ریلیز ہوتے ہی چھا گیا اور یوٹیوب پر اسے لاکھوں ویوز حاصل ہوچکے ہیں۔
عاطف اسلم نے سال کے اختتام پر اپنا نیا گانا ریلیز کرکے مداحوں کو تحفہ دیا ہے، گلوکار کے اس رومانوی گانے میں اُن کے ہمراہ معروف اداکارہ صبور علی کاسٹ کیا گیا ہے۔
عاطف اسلم نے ‘زندگی’ کے عنوان سے اپنا نیا کلاسیکل گانا ریلیز کیا ہے جس کی ہدایتکاری رضوان شیرازی نے کی ہے جبکہ یہ گانا مرحوم شاعر قتیل شفائی کا لکھا گیا ہے جوکہ شہنشاہ غزل مہدی حسن نے گایا تھا۔
ویڈیو کے مطابق، گانے کی کہانی کچھ یوں ہے کہ پہلے عاطف اسلم اور صبور علی ایک ساتھ خوشگوار زندگی گزار رہے ہوتے ہیں اور پھر اچانک دونوں کے درمیان علیحدگی ہوجاتی ہے۔