ویانا: آسٹریا میں ایئرشو کے دوران حادثہ پیش آیا، طیارہ پھرتیلے انداز میں کرتب دکھاتے ہوئے جھیل میں جاگرا۔
تفصیلات کے مطابق پرفارمنس کے دوران پائلٹ ایک سو اسی ڈگری پر اسٹنٹ کرنا چاہا تو طیارے پر قابونہ رکھ سکا اور سیدھا جھیل میں جا گرا۔
غیر ملکی خبر رساں ادارے کا کہنا ہے کہ خوش قسمتی سے پائلٹ حادثے میں محفوظ رہا، وولف گینگ نامی جھیل کے بجائے طیارہ اگر زمین پر گرتا تو جانی نقصان بھی ہوسکتا تھا۔
حادثے میں پائلیٹ کو معمولی چوٹ آئی، پائلیٹ کا کہنا تھا کہ 180 ڈگری پر جہاز اڑانے اور کرتب کے باعث کنٹرول کھو بیٹھا اور طیارہ جھیل میں جاگرا۔
بعد ازاں ریسکیو اہلکاروں نے بروقت کارروائی کرکے پائیلٹ کو ریسکیو کیا اور جہاز کو بھی نکال لیا گیا، انتظامیہ کے مطابق طیارہ معمولی مرمت کے بعد زیراستعمال ہوگا۔
خیال رہے کہ گذشتہ سال مئی میں آئر لینڈ کے علاقے بوگ لینڈ میں پیراشوٹ طیارے کو حادثہ پیش آیا تھا جس کے نتیجے میں سات سالہ بچے سمیت دو افراد ہلاک ہوئے تھے۔
انڈونیشیا طیارہ حادثہ، آخری خواہش پوری کرنے کے لیے منگیتر کا فوٹو شوٹ
عینی شاہدین نے کہا تھا کہ طیارہ حادثے کا شکار ہونے سے کچھ لمحے قبل ایئر کرافٹ میں سوار 16 چھاتہ برداروں نے طیارے سے چھلانگ لگادی تھی۔
یاد رہے کہ سال 2017 میں جرمن ریاست بادن کے علاقے راونز برگ قصبے کے جوار میں "سیسنا سائٹیشن 510” ساخت کا ایک چھوٹا طیارہ حادثے کا شکار ہوا تھا تاہم اس واقعے میں کوئی جانی نقصان نہیں ہوا تھا۔
