کرکٹ آسٹریلیا کے افغانستان سے ون ڈے سیریز کھیلنے کے بائیکاٹ پر افغان بورڈ و کھلاڑیوں نے سخت ردعمل دیا ہے۔
آسٹریلوی کرکٹ بورڈ نے افغانستان میں خواتین کی تعلیم و ملازمت پر پابندی کے خلاف افغانستان سے ون ڈے سیریز سے کھیلنے سے انکار کیا تھا جس پر افغانستان ٹی 20 ٹیم کے کپتان راشد خان، نوین الحق ودیگر نے سخت ردعمل دیا ہے۔
افغان کرکٹ بورڈ نے بھی فیصلے پر افسوس کا اظہار کیا ہے جبکہ کھلاڑیوں نے کرکٹ آسٹریلیا کو فیصلے پر نظرثانی کا مشورہ دیا۔
افغانستان کرکٹ بورڈ نے سماجی رابطے کی ویب سائٹ ٹوئٹر پر لکھا کہ ’انٹرنیشنل کرکٹ کونسل (آئی سی سی ) کو آسٹریلیا کے بائیکاٹ کرنے پر خط لکھیں گے۔
CA’s statement to withdraw Afghanistan ODIs is unfair and unexpected
ACB is extremely disappointed by the pathetic decision of @CricketAus to withdraw from Afghanistan ODI series in March and will officially write to the @ICC over the issue.
More: https://t.co/ODjzX0Guf1 pic.twitter.com/e8xFdzstvf
— Afghanistan Cricket Board (@ACBofficials) January 12, 2023
راشد خان نے سماجی رابطے کی ویب سائٹ ٹوئٹر پر کرکٹ آسٹریلیا کو مخاطب کرتے ہوئے لکھا کہ ’کرکٹ ملک کی واحد امید ہے، سیاست کو اس سے دور رکھیں۔‘
Cricket! The only hope for the country.
Keep politics out of it. @CricketAus @BBL @ACBofficials ♥️ 🇦🇫 ♥️ pic.twitter.com/ZPpvOBetPJ— Rashid Khan (@rashidkhan_19) January 12, 2023
اس سے قبل فاسٹ بولر نوین الحق نے کہا تھا کہ ’اب میں بگ بیش لیگ کا حصہ نہیں ہوں جب تک کرکٹ آسٹریلیا یہ بچکانہ فیصلہ واپس نہیں لیتی میں تب تک لیگ میں شرکت نہیں کروں گا۔
ان کا کہنا تھا کہ ’جس ملک کو سپورٹ کرنے کی ضرورت ہے آپ ان سے خوشی (کرکٹ) واپس لے رہے ہیں۔
time to say won’t be participating in big bash after this until they stop these childish decisions that’s how they went about the one off test now ODI when a country is going through so much in place off being supportive you want to take the only reason of happiness from them #CA
— Naveen ul haq Murid (@imnaveenulhaq) January 12, 2023
یاد رہے کہ اس سے قبل کرکٹ آسٹریلیا نے ٹیسٹ کرکٹ سے بھی دستبرداری کا اعلان کیا تھا اور اب افغان حکومت کے اقدام پر ون ڈے سیریز کھیلنے سے بھی انکار کردیا گیا۔ خیال رہے کہ ’افغان کرکٹ ٹیم کے تمام میچز نیوٹرل وینیوز پر کھیلے جاتے ہیں۔
