راولپنڈی : متروکہ وقف املاک بورڈ نے آپریشن کرتے ہوئے شیخ رشیدکی رہائش گاہ لال حویلی کے 7یونٹ سیل کردیے۔
تفصیلات کے مطابق راولپنڈی میں متروکہ وقف املاک بورڈ نے علی الصبح شیخ رشیدکی رہائش گاہ لال حویلی پر آپریشن کیا۔
ڈپٹی ایڈمنسٹریٹر متروکہ وقف املاک بورڈ آصف خان پولیس کی نفری ساتھ لال حویلی پہنچے، آپریشن میں متروکہ وقف املاک بورڈ کو ایف آئی اے کی مدد بھی حاصل رہی۔
لال حویلی سیل آپریشن میں متروکہ وقف املاک بورڈ کو ایف آئی اے کی مدد بھی حاصل رہی تاہم کارروائی کے وقت شیخ رشید لال حویلی میں موجود نہیں تھے۔
ڈپٹی ایڈمنسٹریٹرآصف خان نے کہا کہ شیخ رشید،انکےبھائی شیخ صدیق لال حویلی سمیت 7اراضی پرقابض ہیں، شیخ رشید اور شیخ صدیق کومتعدد نوٹسز بھیجےگئے۔
آصف خان کا کہنا تھا کہ شیخ رشید اور ان کا بھائی کوئی ریکارڈیا دستاویز بھی پیش نہیں کرسکے اور عدالت بھی شیخ رشیدکی حکم امتناع کی درخواست خارج کرچکی ہے۔
متروکہ وقف املاک بورڈ نے کارروائی کرتے ہوئے شیخ رشیدکی رہائش گاہ لال حویلی کے 7 یونٹس سیل کردیے۔