شوبز شخصیات سوشل میڈیا پر اپنی بچپن کی تصاویر شیئر کرتے ہیں جسے مداحوں کی جانب سے پسند کیا جاتا ہے۔
فوٹو اور ویڈیو شیئرنگ ایپ انسٹاگرام پر اداکارہ عائشہ عمر نے بھائی کی سالگرہ پر بچپن کی تصاویر شیئر کیں جسے مداحوں کی جانب سے خوب سراہا جارہا ہے۔
عائشہ عمر نے تصاویر شیئر کرتے ہوئے کیپشن میں بتایا کہ ’ وہ پہلی تصویر میں اپنے دونوں بھائیوں اور مرحومہ پھوپھو کے ساتھ موجود ہیں۔‘
انہوں نے بھائی کو سالگرہ کی مبارک باد دیتے ہوئے لکھا کہ ’زی ایزووووو…. ماما اور مجھے آپ کی یاد آتی ہے، کاش میں آج آپ کے مزیدار سالگرہ کے کیک کا ٹکڑا کھا سکتی۔‘
عائشہ عمر نے بھائی کے لیے نیک خواہشات کا اظہار کرتے ہوئے کہا کہ ’دعا ہے یہ آپ کی بہترین سالگرہ اور ابھی تک کا آپ کا بہترین سال ہو۔‘
واضح رہے کہ عائشہ عمر سوشل میڈیا پر کافی متحرک رہتی ہیں اور اکثر اپنی تصاویر اور ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل عائشہ عمر کی صوفی بزرگ شاعر بابا بلھے شاہ کا مشہور زمانہ شعر سنانے کی ویڈیو وائرل ہوگئی تھی۔
عائشہ عمر نے اے آر وائی ڈیجیٹل کے ڈرامہ سیریل ’حبس‘ میں منفی کردار نبھایا تھا جس کے مرکزی کرداروں میں فیروز خان، اشنا شاہ شامل تھے۔
