افغانستان کیخلاف مایوس کن کارکردگی : اعظم خان کا جذباتی پیغام وائرل

پاکستان کرکٹ ٹیم کے نوجوان اور جارحانہ بیٹر اعظم خان خود پر ہونے والی تنقید کے بعد جذباتی ہوگئے جس کا اظہار انہوں نے سوشل میڈیا پر کیا ہے۔

سماجی رابطے کی ویب سائٹ انسٹاگرام پر انہوں نے ذومعنی اسٹوری پوسٹ کی۔ جس میں انہوں نے کسی کا نام لیے بغیر یا کسی کی جانب اشارہ کیے بغیر اپنا پیغام شیئر کیا۔

اعظم خان کی انسٹاگرام اسٹوری پر لکھا تھا کہ صبر کرو، اللّٰہ نے تہماری کہانی ابھی تک ختم نہیں کی۔

واضح رہے کہ اعظم کی کارکردگی کے بعد سوشل میڈیا پر انہیں خاصہ تنقید کا نشانہ بنایا گیا تھا کیونکہ انہوں نے افغانستان کیخلاف کھیلی جانے والی ٹی 20 سیریز کے پہلے میچ میں صفر اور دوسرے میں صرف 1 رن بنایا جب کہ انہیں تیسرا میچ نہیں کھلایا گیا، وکٹ کیپنگ میں بھی اعظم سے کیچز ڈراپ ہوئے، گیند دستانوں میں نہ آنے کے سبب 4 رنز بھی بنے۔

Comments