پاکستان سے بیرون میں سفر کرنے والے مسافروں کے لیے اچھی خبر ہے کہ غیرملکی ایئرلائن نے پروازوں میں اضافے کا اعلان کر دیا۔
آذربائیجان ایئرلائن نے پاکستان کیلئے پروازوں میں اضافےکا اعلان کرتے ہوئے کہا ہے کہ ایئرلائن کراچی کےلیےکل سے پروازیں شروع کرے گی۔
کل باکو سے کراچی کیلئے پہلی پرواز پہنچےگی اور آذربائیجان کے سفیر مسافروں کا استقبال کریں گے۔ آذربائیجان ایئرلائن کی اسلام آباد اور لاہور کیلئے پروازیں بھی جاری ہیں۔
23ستمبر 2023 کو آذربائیجان کی قومی ایئر لائن نے پاکستان کے لیے اپنا فلائٹ آپریشن شروع کیا تھا۔ لاہور ایئرپورٹ پر غیر ملکی پرواز کے مسافروں کا استقبال وزیر اعظم کے مشیر برائے ہوا بازی ایئر مارشل (ر) فرحت حسین ملک نے کیا تھا، اور سول ایوی ایشن کی جانب سے طیارے کو واٹر سیلوٹ پیش کیا گیا، اس موقع پرآذربائیجان کے سفیر بھی موجود تھے، اور استقبال کے لیے لاہور ایئرپورٹ پر ایک سادہ مگر پروقار تقریب کا انعقاد کیا گیا۔
