اسلام آباد : وکیل ڈاکٹر اعوان نے اقدام قتل کیس میں کل عمران خان کی عدالت پیشی کی یقین دہانی کرا دی، جس پر عدالت نے عمران خان کی آج حاضری سے استثنیٰ کی درخواست منظور کرلی۔
تفصیلات کے مطابق ایڈیشنل سیشن کورٹ میں عمران خان کے خلاف تھانہ سیکریٹری میں درج اقدام قتل کے کیس کی سماعت ہوئی۔
وکیل بابراعوان ایڈیشنل سیشن جج ظفر اقبال کی عدالت میں پیش ہوئے ، جج کے ریمارکس نے استفسار کیا مقدمے کا تفتیشی افسر کہاں ہے؟تفتیشی افسرکوبلائیں، تفتیشی افسر جہاں بھی ہے اسے عدالت پیش ہونے کا کہیں۔
سیشن جج کا کہنا تھا کہ عمران خان کی حاضری معافی کی درخواستیں مسلسل آرہی ہیں، عمران خان کابیان حلفی دیں کہ کل عدالت میں پیش ہونگے، آج تک کبھی نہیں ہوا کہ میں کسی اورعدالت جا کر بیٹھ جاؤں، میں ساتھ والی عدالت میں بھی جا کر نہیں بیٹھ سکتا۔
بابراعوان نے کل عمران خان کی عدالت پیشی کی یقین دہانی کراتے ہوئے کہا کہ تھانہ سیکریٹریٹ کیس میں عمران خان کل عدالت پیش ہوں گے۔
جس پر عدالت نےمستقل حاضری سے استثنیٰ اورپمز سے طبی معائنے کی درخواست مسترد کردی اور عمران خان کی آج حاضری سے استثنیٰ کی درخواست منظور کرلی۔
