The news is by your side.

Advertisement

بابر اعوان کی وزیر اعظم سے ملاقات، انکوائری کمیشن سے متعلق آئینی وقانونی امور پر مشاورت

اسلام آباد: وزیراعظم عمران خان نے کہا ہے کہ  قرضوں سے آزاد ہوگئے، تو  ملکی ترقی کا سفر کوئی نہیں روک سکے گا.

ان خیالات کا اظہار انھوں نے ڈاکٹر بابراعوان سے ملاقات کے موقع پر کیا. اس ملاقات میں انکوائری کمیشن کی تشکیل سے متعلق آئینی وقانونی امور پرمشاورت کی گئی.

قرضوں سے آزاد ہوگئے، تو ملکی ترقی کا سفر کوئی نہیں روک سکے گا

وزیر اعظم

وزیر اعظم عمران خان نے کہا کہ ملک میں احتساب کاعمل مزید موثر بنا رہے ہیں، انکوائری کمیشن کو مکمل اختیارات دیے جائیں گے، فیکٹ فائنڈنگ کے بعدقوم کےمجرموں کو منطقی انجام تک پہنچایا جائے گا.

وزیراعظم نے کہا کہ پاکستان کا معاشی استحکام پہلی اورآخری ترجیح ہے، ملک کو قرض کی دلدل میں دھکیلنے والوں سے تحقیقات قومی تقاضا ہے، انکوائری کمیشن اپنی طرز کا پہلا بامقصد کمیشن ہوگا.

مزید پڑھیں: معیشت مستحکم ہوگئی، ملک کو دیوالیہ ہونےسے بچا لیا: وزیر اعظم

اس موقع پر بابر اعوان کا کہنا تھا کہ انکوائری کمیشن کے تشکیل کے فیصلے کوعوامی سطح پربے حد پذیرائی ملی، عوام کو بتانا ہوگا کہ ان کے نام پرلیا گیا اربوں ڈالرکا قرض کہاں گیا.

بابر اعوان نے مزید کہا کہ قرض کھانے والےمنی لانڈرنگ کرتے رہے قوم غریب ہوتی گئی، قومی وسائل کو بے دردی سے لوٹنے والوں کا احتساب ناگزیر ہے، احتساب کی راہ میں رکاوٹ بننے والوں سے سختی سے نمٹنا ہوگا.

احتساب ادارےکرتےہیں،اصلاحات کرناحکومت کاکام ہے، حکومت اصلاحاتی ایجنڈےپرکوئی سمجھوتا نہیں کرےگی.

Comments

comments

یہ بھی پڑھیں