قومی ٹیم کے کپتان بابر اعظم آج نیوزی لینڈ کے خلاف ٹی ٹوئنٹی میچ جیت کر مختصر دورانیے کی کرکٹ کے دنیا کے کامیاب ترین کپتان بن سکتے ہیں۔
اے آر وائی نیوز کے مطابق پاکستان اور نیوزی لینڈ کے درمیان تیسرا ٹی ٹوئنٹی میچ آج قذافی اسٹیڈیم لاہور میں کھیلا جائے گا۔ پانچ ٹی ٹوئنٹی کی سیریز میں قومی ٹیم کو دو صفرکی برتری حاصل ہے۔
آج کا میچ نہ صرف پاکستان بلکہ قومی کپتان بابر اعظم کے لیے بھی بہت اہم ہے کیونکہ اس میچ میں فتح بابر اعظم کو اس طرز کے میچز میں دنیا کا کامیاب ترین کپتان بنا دے گی۔
- Advertisement -
آج اگر پاکستان میچ جیت گیا تو بابر اعظم بطور کپتان ٹی ٹوئنٹی انٹرنیشنل میں 42 میچز کی فتح کے ساتھ دنیا کے کامیاب ترین کپتان بن جائیں گے۔ اس کے ساتھ ہی پاکستان کو سیریز میں تین صفر کی فیصلہ کن برتری بھی حاصل ہو جائے گی۔
