ملتان: قومی ٹیم کے کپتان بابر اعظم نے اوپنر بیٹر شان مسعود کی قومی ٹیم میں شمولیت پر خاموشی توڑ دی۔
تفصیلات کے مطابق قومی ٹیم کے کپتان بابر اعظم کا کہنا ہے کہ میرے خیال میں شان مسعود کو بطور مڈل آرڈر بلے باز ٹیم میں شامل کرنا زیادتی ہوگی۔
بابر اعظم نے لاہور میں پریس کانفرنس کرتے ہوئے کہا کہ شان مسعود اوپنر ہیں اور انہوں نے مڈل آرڈر پر بیٹنگ نہیں کی ہے میرے خیال میں انہیں پانچویں یا چھٹے نمبر پر کھلانا ناانصافی ہوگی ہماری ان پر نظر ہے اور ان کی شمولیت پر غور کیا جائے گا۔
TEA: Shan Masood's third century of the season puts the exclamation point on a good session for #DCCC 💯
DER: 202-1; Masood (113*) and Guest (67*), trailing by 166.
Watch LIVE ⤵️
— Derbyshire CCC (@DerbyshireCCC) May 13, 2022
32 سالہ شان تیسرے اوپنر کے طور پر ٹیسٹ اسکواڈ کا حصہ ہیں لیکن ان کی تینوں فارمیٹس میں شمولیت پر بحث چھڑ گئی ہے۔
اوپنر بلے باز نے کاؤنٹی میں ڈربی شائر کی نمائندگی کرتے ہوئے چیمپئن شپ میں 844 رنز اسکور کیے تھے اور ٹاپ اسکورر رہے تھے جبکہ ٹی 20 بلاسٹ میں وہ فالکنز کی قیادت کررہے ہیں۔
گزشتہ ہفتے چیف سلیکٹر محمد وسیم نے بھی انکشاف کیا تھا کہ وہ وائٹ بال کے اسکواڈ میں شان کو منتخب ہونے کے قریب ہیں لیکن ترجیحاً مڈل آرڈر میں مگر اب ایسا لگتا ہے کہ بابر اعظم اس خیال سے مطمئن نہیں ہیں۔
واضح رہے کہ پاک ویسٹ انڈیز سیریز 8 جون سے ملتان میں کھیلی جائے گی۔