The news is by your side.

Advertisement

بابر اعظم کا اعتراض؟ پی سی بی نے وضاحت کردی

پاکستان کرکٹ بورڈ کے چیف ایگزیکٹو وسیم خان نے ٹی ٹوئنٹی ورلڈکپ اسکواڈ سے متعلق کپتان بابراعظم کے ‏اعتراضات سے متعلق خبروں کو مسترد کر دیا۔

ایک بیان میں انہوں نے کہا کہ ہمیں معلوم ہوا ہے کہ قومی ٹیم کے ماحول سے متعلق حقائق کے منافی رپورٹس ‏گردش کر رہی ہیں آئندہ بین الاقوامی اسائنمنٹس کے لیے اسکواڈ کا اعلان کیا جاچکا ہے اور اس سلسلے میں جو ‏سمت اختیار کی گئی ہے ہمارے کپتان بابر اعظم مکمل طور پر اس کے پیچھے کھڑے ہیں۔

وسیم خان نے کہا کہ منگل کی سہ پہر، کچھ کھلاڑیوں نے پاکستان کے سابق کپتان اور پی سی بی بورڈ آف گورنرز ‏کے موجودہ رکن رمیز راجہ کے ساتھ ملاقات کی ہے جو بہت صحت مندانہ اور مثبت رہی ہے، اس ملاقات میں ‏اتفاق کیا گیا ہے کہ ہمیں آئندہ سیریز میں کس برانڈ کی کرکٹ کھیلنے کی ضرورت ہے. ‏

ورلڈ کپ کے لیے ٹیم سلیکشن پر بابر اعظم نے اعتراض اٹھا دیا

ان کا کہنا تھا کہ لازم ہے کہ ہم سب مل کر اس اسکواڈ کو مستحکم کریں اور اس کی مکمل پشت پناہی کریں ‏تاکہ اس کی تمام تر توجہ آئندہ ماہ شیڈول آئی سی سی ٹی ٹونٹی ورلڈ کپ پر مرکوز ہوسکے۔

واضح رہے کہ ذرائع کا کہنا ہے کہ بابر اعظم نے شکوہ کیا ہے کہ جو کھلاڑی مانگے تھے وہ نہیں ملےکپتان بابر ‏اعظم کو مڈل آرڈر بیٹسمین صہیب مقصود اعظم خان نہیں چاہیے تھے بلکہ انہیں شرجیل خان، فخر زمان اور لیگ ‏اسپنر عثمان قادر درکار تھے۔

Comments

یہ بھی پڑھیں