بھارتی ٹیم کے سابق کپتان ویرات کوہلی کی خراب فارم پر قومی ٹیم کے کپتان بابر اعظم کا بیان آگیا۔
بھارتی ٹیم کے لیجنڈری بلے باز اپنے کیریئر کے سب سے برے دور سے گزر رہے ہیں آج انگلینڈ کے خلاف میچ میں بھی 16 رنز بنا کر پویلین لوٹ گئے۔
اگر انگلینڈ کے خلاف حالیہ سیریز کی بات کی جائے تو ویرات کوہلی کوئی بھی بڑی اننگز میں کھیلنے میں ناکام رہے۔
جہاں ویرات کوہلی کی خراب فارم کو لے کر سابق بھارتی کرکٹر بھی ان کو ٹیم سے باہر نکالنے کا مطالبہ کررہے تھے اور کپل دیو کا کہنا تھا کہ کوہلی کی ناقص کارکردگی پر نوجوان کھلاڑیوں کو ٹیم سے باہر نہیں رکھا جاتا۔
ویرات کوہلی کو ویسٹ انڈیز کے دورے میں شامل نہیں کیا گیا ہے جبکہ جسپریت بمرا کو آرام دیا گیا ہے۔
تاہم قومی ٹیم کے کپتان بابر اعظم نے کوہلی کی حمایت میں ٹویٹ اور ’کوہلی کا ہیش ٹیگ بنایا۔
بابر اعظم نے ویرات کوہلی کے ساتھ تصویر شیئر کی جو ورلڈ کپ کے دوران کی ہے اور لکھا ’یہ وقت بھی گزر جائے گا۔‘
This too shall pass. Stay strong. #ViratKohli pic.twitter.com/ozr7BFFgXt
— Babar Azam (@babarazam258) July 14, 2022
قومی ٹیم کے کپتان کا یہ ٹویٹ سوشل میڈیا پر تیزی سے وائرل ہورہا ہے اور بھارت میں ویرات کوہلی کے پرستار بھی بابر اعظم کی تعریف کررہے ہیں۔
