لندن: برطانیہ میں بغیر گردوں اور نامکمل اعضا والا صرف 2 پاؤنڈ وزنی بچہ پیدائش کے اگلے ہی روز دم توڑ گیا۔
بین الاقوامی میڈیا رپورٹس کے مطابق رائل ڈربی اسپتال میں بے بی بوائے کی قبل از وقت پیدائش ہوئی جس کا وزن صرف 2 پاؤنڈ تھا اور ڈاکٹرز نے اسے ایک چھوٹی مچھلی کے برابر قرار دیا۔
بچے کی پیدائش مقررہ وقت سے 7 ہفتے قبل سی سیکشن کے ذریعے ہوئی تھی اور اسے آکسیجن پر رکھا گیا تھا، بچے کے اعضا مکمل طور پر نہیں بنے تھے۔
بچے کی ایک ٹانگ تھی اور دوسری نہیں بنی تھی، بچے کے گردے بھی نہیں تھے۔ابتدا میں والدین کو پیچیدگیوں سے آگاہ کرتے ہوئے مشورہ دیا گیا تھا کہ اس بچے کی خواہش نہ کریں تاہم والدین نے اس تجویز کو رد کردیا۔
ڈاکٹرز بھی حیران تھے کہ بے پیچیدگیوں کے باوجود بچہ 7 ماہ تک زندہ رہا اور قبل ازوقت پیدائش کے وقت بھی اس کی سانسیں چل رہی تھیں۔
بچے کے والد کا کہنا ہے کہ اس نے پورا دن اسپتال میں بچے کے ساتھ گزارا، بچے کو ہاتھوں میں اٹھایا اور اس نے والد کے ہاتھوں میں ہی دم توڑ دیا۔
