The news is by your side.

Advertisement

بحرین کے شاہ حماد کو کرونا وائرس کی ویکسین لگا دی گئی

مناما: بحرین کے شاہ حماد بن عیسیٰ الخلیفہ کو کرونا وائرس کی ویکسین لگا دی گئی، انہوں نے بحرین کے شہریوں اور مقیم غیر ملکیوں پر زور دیا ہے کہ وہ کرونا وائرس کے خلاف احتیاطی تدابیر پر عمل کریں۔

بین الاقوامی ویب سائٹ کے مطابق بحرین کے فرمانروا شاہ حماد کو بدھ کے روز کرونا وائرس سے بچاؤ کی ویکیسن لگا دی گئی۔

بحرین میں حکومت قومی سطح پر کرونا وائرس کی ویکسی نیشن شروع کرنے کی تیاری کر رہی ہے۔

بحرین نیوز ایجنسی کے مطابق شاہ حماد نے بحرین کے شہریوں اور مقیم غیر ملکیوں پر زور دیا ہے کہ وہ احتیاطی تدابیر اور نیشنل میڈیکل ٹیم کی جانب سے کرونا وائرس کے حوالے سے جاری ہدایات پر عمل کریں۔

اس سے قبل بحرین نے اعلان کیا تھا کہ حکومت جلد ملک میں قومی ویکسی نیشن مہم پر عملدر آمد کرنے جارہی ہے۔

Comments

یہ بھی پڑھیں