مالی: انڈونیشیا میں آتش فشاں پھٹنے کے خدشے کے باعث ہزاروں افراد کو محفوظ مقامات پر منتقل کردیا گیا ہے۔

تفصیلات کے مطابق انڈو نیشیا کے مشہور ساحلی و سیاحتی جزیرے بالی انڈونیشیا میں انتظامیہ کی جانب سے آتش فشاں ماؤنٹ آگونگ پھٹنے کی وارننگ جاری کئے جانے کے بعد 75 ہزار افراد گھر چھوڑنے پر مجبور ہوگئے۔

نیشنل ڈیزاسٹر منیجمٹ ایجنسی کے ترجمان نے کہا ماؤنٹ آگونگ خطرناک صورتحال میں اختیار کرچکا ہے اور آتش فشاں کا لاوا اوپری سطح کی طرف بڑھ رہا ہے، وہاں موجود آتش فشاں کسی بھی وقت پھٹ سکتا ہے۔

حکام نے قریبی علاقے کے رہنے والوں کو ہنگامی بنیادوں پر مطلع کیا کہ وہ اپنے گھر چھوڑ کر محفوظ مقامات پر منتقل ہوجائیں،انخلا کے بعد علاقہ مکین 300 سے زائد عارضی پناگاہوں میں منتقل ہوگئے ہیں۔

انڈونیشیا کے صدر نے بھی کیمپ کا دورہ کیا اور متاثرہ لوگوں سے ملاقات کی، جو کو ویڈوڈو نے حکام کو تمام ضروری اقدامات کرنے کی ہدایت کرتے ہوئے کہا ہے کہ ان کی پہلی ترجیح لوگوں کی حفاظت ہے۔

حکام نے اس پہاڑ کے 12کلو میٹر کے دائرے میں پابندیا ں نافذ کر دی ہیں اور کہا ہے کہ حالیہ دنوں میں اگونگ نامی اس پہاڑ کےآس پاس زلزلے آتے رہے ہیں اور سطح پر ایسے مادے میں اضافہ ہوتا رہا ہے جو آتش فشاں کی شکل اختیار کر سکتا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔