کوئٹہ: صوبہ بلوچستان میں لوٹی گئی رقم کے تنازع پر ‘بلوچ لبریشن فرنٹ’ کے دو گروپوں میں ہونے والے مسلح تصادم کے نتیجے میں اہم دہشت گرد مارا گیا ہے۔
تفصیلات کے مطابق بلوچستان میں انتہائی اہم مطلوب دہشت گرد سرغنہ کی ہلاکت کا واقعہ رونما ہوا ہے، ہلاک دہشت گرد کی شناخت محمد آسا عرف مُلا ابراہیم کے نام سے ہوئی ہے۔
رپورٹ کے مطابق دہشت گرد سرغنہ کی ہلاکت بھتے اور تاوان کی مد میں حاصل کی گئی رقم کے تنازع پر ہوئی جہاں ‘بلوچ لبریشن فرنٹ’ کے دو گروپوں میں مسلح تصادم ہواتھا۔
رپورٹ کے مطابق سیکیورٹی فورسز کی جانب سے ہلاک دہشت گرد کے سر کی قیمت 40 لاکھ روپے مقرر کی گئی تھی، ہلاک دہشت گرد ایرانی کنٹینر پرحملے، سیکیورٹی فورسز پر بارودی سرنگ حملے، بلوچستان میں مزدوروں کے قتل سمیت خاران اور شور کے علاقے میں دہشت گرد کارروائیوں میں شامل رہا۔
دہشت گرد محمد آسا دو ہزار دس میں بلوچ لبریشن فرنٹ میں شامل ہوا وہ آئی ای ڈی بنانے کا ماہر تھا،دہشت گرد محمد آسا پر بلوچستان کے مختلف حصوں میں 5 سے زائدمقدمات درج تھے۔
