ڈھاکا : بنگلہ دیش کی سابق وزیراعظم خالدہ ضیا کو جیل سے رہا کردیا گیا، کورونا وائرس کے پیش نظر ان کی سزا 6 ماہ کے لئے معطل کردی گئی۔
بنگلہ دیش کی حکومت نے سابق وزیر اعظم اور اپوزیشن رہنما خالدہ ضیا کو ان کی مسلسل گرتی ہوئی صحت کو مدنظر رکھتے ہوئے جیل سے رہا کردیا ہے حکومت نے ان کا علاج کرانے کا اعلان کیا ہے۔
اس حوالے سے حکومتی ترجمان کا کہنا ہے کہ خالدہ ضیا کو انسانی بنیادوں پر چھ ماہ کے لیے رہا کیا گیا ہے تاکہ وہ اپنی مسلسل گرتی ہوئی صحت کا علاج کرا سکیں۔
بدعنوانی کے مقدمات میں 25 ماہ تک قید رہنے کے بعد انہیں بدھ کی شام بانگابندھو شیخ مجیب میڈیکل یونیورسٹی کے ایگزیکٹو آرڈرز کے ذریعے رہا کیا گیا، بنگلہ دیش کی حکومت نے کورونا کے پیش نظر مشروط طور پر سابق وزیر اعظم خالدہ ضیا کو جیل سے رہا کر کے ان کی سزا 6 ماہ کے لئے معطل کردی ہے۔
خیال رہے کہ خالدہ ضیاء فی الحال بیمار ہیں اور وہ جیل میں زیر علاج تھیں۔ کورونا وائرس کے انفیکشن کے خطرات کے پیش نظر خالدہ کی صحت پر تشویش کا اظہار کرتے ہوئے بی این پی کے وکلا نے ایک روز قبل ہی ان کی رہائی کا مطالبہ کیا تھا۔
ضیا اور فنیج ٹرسٹ اور ضیا چیریٹیبل ٹرسٹ سے وابستہ دو معاملات کے تحت انہیں مجموعی طور پر17 سال قید کی سزا سنائے جانے کے بعد فروری سنہ2018 سے ہی قید کر دیا گیا تھا۔
