ڈھاکا: بنگلہ دیش نے آسٹریلیا کو پہلے ٹی 20 میچ میں 23 رنز سے شکست دے کر سیریز میں 1-0 کی برتری حاصل کرلی۔
تفصیلات کے مطابق ڈھاکا میں کھیلے جانے والے میچ میں بنگلہ دیش نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 131 رنز بنائے، جواب میں کینگروز کی ٹیم 108 رنز پر ڈھیر ہوگئی۔
مچل مارش کی 45 رنز کی اننگز بھی آسٹریلیا کو شکست سے نہ بچاسکی، اوپنر ایلکس کیری بغیر کوئی رن بنائے پویلین لوٹ گئے، جوش فلپ 9 رنز بناسکے۔
موئسز ہینری کوئس ایک رن بنا کر چلتے بنے، میتھیو ویڈ 13 رنز پر نسم احمد کا نشانہ بنے، ایشٹن اگر 7 رنز بنا کر ہٹ وکٹ ہوگئے۔
Nasum Ahmed plays a starring role as Bangladesh beat Australia!
Tigers fans, rank this win 👇https://t.co/dZQKtPy6MJ | #BANvAUS pic.twitter.com/SQE4HmWP6u
— ESPNcricinfo (@ESPNcricinfo) August 3, 2021
بنگلہ دیش کی جانب سے نسم احمد نے چار کھلاڑیوں کو پویلین کی راہ دکھائی، مستفیض الرحمان اور شریف السلام نے دو، دو وکٹیں حاصل کیں۔
اس سے قبل بنگلہ دیش نے اپنی اننگز میں محمد نعیم کے 30 اور شکیب الحسن کے 36 رنز کی بدولت آسٹریلیا کو 132 رنز کا ہدف دیا تھا۔
محمود اللہ 20 اور عاطف حسین 23 رنز کے ساتھ نمایاں رہے، آسٹریلیا کے جوش ہیزل ووڈ نے تین اور مچل اسٹارک نے دو وکٹیں حاصل کیں۔
