The news is by your side.

Advertisement

ٹیکسی ڈرائیور راتوں رات کروڑ پتی بن گیا

دبئی میں بنگلہ دیشی ٹیکسی ڈرائیور نے ایمریٹس ڈرا کی قرعہ اندازی میں 77 ہزار 777 درہم کی لاٹری جیت لی۔

گلف نیوز کی رپورٹ کے مطابق بنگلہ دیشی تارکین وطن جو دبئی کی ایک ٹیکسی کمپنی کے ساتھ لیموزین ڈرائیور کے طور پر فرائض انجام دے رہے ہیں انہوں نے صرف تین بار قرعہ اندازی میں حصہ لینے کے بعد ایمریٹس ڈرا میں 77 ہزار 777 درہم کی انعامی رقم جیت لی۔

چالیس سالہ منٹو بروا نے صرف ایک ماہ قبل قرعہ اندازی میں حصہ لینا شروع کیا تھا۔

انہوں نے کہا "میرے ساتھی نے گزشتہ ماہ جیتنے کے بعد مجھے ڈی ایچ 50 پنسل خریدنے کی ترغیب دی اور میں بہت خوش ہوں کہ میں نے ایسا کیا کیونکہ اب میری زندگی مکمل طور پر بدل گئی ہے جب مجھے ایمریٹس ڈرا سے فون آیا تو میں حیران رہ گیا۔

منٹو نے بتایا کہ وہ 13 سال سے دبئی کے رہائشی ہیں ٹیکسی چلاتے ہیں، انہوں نے مزید کہا کہ مجھے یقین نہیں ہے کہ میں اپنی جیت کا جشن کیسے مناوں اور بعد میں ان پیسوں کا کیا کروں، میں اب اس قرعہ اندازی میں حصہ لیتا رہوں گا اور امید ہے کہ مستقبل میں دوبارہ جیتنے کا موقع ملے گا۔

Comments

یہ بھی پڑھیں