راولپنڈی: سیکیورٹی فورسز کے بنوں کے علاقے جانی خیل میں آپریشن کے دوران 3 خوارج مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بنوں کے علاقے جانی خیل میں انٹیلیجنس بیسڈ آپریشن کیا اس دوران فائرنگ کے تبادلے میں 3 خوارج مارے گئے اور 9 زخمی ہوگئے۔
ترجمان پاک فوج کا کہنا ہے کہ علاقے میں کسی ممکنہ خارجی کے لیے کلیئرنس آپریشن جاری ہے۔
آئی ایس پی آر کا کہنا ہے کہ سیکیورٹی فورسز ملک سے دہشت گردی کے خاتمے کے لیے پرعزم ہیں۔
واضح رہے کہ اب سے کچھ دیر قبل بلوچستان کے ضلع قلعہ عبداللہ کے علاقے گلستان میں خوارجیوں کا چیک پوسٹ پر حملہ سیکیورٹی فورسز نے بروقت کارروائی کرتے ہوئئے ناکام بنادیا۔
ترجمان پاک فوج کا بتانا ہے کہ خوارجیوں نے دھماکا خیز مواد سے بھری گاڑی چیک پوسٹ کی دیوار سے ٹکرائی، سیکیورٹی فورسز کی کارروائی میں دو خودکش بمباروں سمیت 5 خوارج مارے گئے۔
آئی ایس پی آر کا کہنا ہے کہ نائیک طاہر خان، لانس نائیک طاہر اقبال بہادری سے لڑتے ہوئے شہید ہوگئے۔
ترجمان پاک فوج کے مطابق علاقے میں دیگر دہشت گردوں کی تلاش کے لیے سینٹائزڈ آپریشن جاری ہے، سیکیورٹی فورسز دہشت گردی کے خاتمے کے لیے پرعزم ہیں، جوانوں کی یہ قربانیاں ہمارے عزم کو مزید تقویت دیتی ہیں۔
