بٹگرام: ضلع کولئی پالس کوہستان میں ایک گاڑی کھائی میں گر گئی، جس میں 6 افراد جاں بحق ہو گئے۔
تفصیلات کے مطابق لوئر کوہستان میں ایک پک اپ گاڑی حادثے کا شکار ہو گئی ہے، گاڑی بشام سے کولئی پالس جا رہی تھی کہ راستے میں پہاڑ سے گر کر گہری کھائی میں جا گری۔
گاڑی میں سوار 6 افراد جاں بحق اور 4 افراد زخمی ہوئے ہیں، جنھیں ایوب میڈیکل کمپلیکس منتقل کیا گیا، ریسکیو ذرائع کے مطابق جاں بحق افراد میں 8 سالہ بچہ، اور زخمیوں میں دو 8 سالہ بچے شامل ہیں۔
- Advertisement -
ابتدائی طور پر حادثے کی وجہ معلوم نہیں ہو سکی ہے، حادثے کے بعد مقامی لوگوں نے امدادی کاررائیوں میں حصہ لیا، اور مرنے والوں کو قریب گھر میں منتقل کیا۔
