The news is by your side.

Advertisement

ونگار ۔ سندھ کی خوبصورت روایت

ونگار اندرون سندھ میں رائج ایک خوبصورت روایت ہے جو ہم آہنگی اور بھائی چارے کی بہترین مثال ہے۔

یہ روایت اس وقت دیکھنے میں آتی ہے جب کوئی اجتماعی کام کیا جارہا ہو جیسے مختلف فصلوں جیسے گنے یا گندم کی کٹائی، کپاس کی چنائی یا نہر کی کھدائی کی جا رہی ہو۔

اس موقع پر گاؤں کے کے ہر گھر سے ایک یا 2 افراد شرکت کرتے ہیں یوں لوگوں کی ایک بڑی تعداد جمع ہو کر اس کام کو انجام دیتی ہے۔

یہ کام بلا معاوضہ کیا جاتا ہے اور کام کرنے والے اس کی کوئی اجرت طلب نہیں کرتے۔ یہ کام مردوں اور خواتین کے الگ الگ گروہ انجام دیتے ہیں۔

ونگار کی روایت ایک دوسرے کی مدد کرنے، اور ایک دوسرے کے کام آنے کی بہترین مثال ہے کہ کس طرح گاؤں والے تمام مذہبی و لسانی اختلافات بھلا کر ایک دوسرے کے کام آتے ہیں۔

چند روز قبل اندرون سندھ میں کپاس کی چنائی کی جارہی تھی جس کے لیے حسب معمول گاؤں والے جمع ہوئے اور مل جل کر کپاس کی کٹائی کی۔

اس موقع پر کام کرنے والے افراد کے لیے کھانے کا بندوبست بھی کیا جاتا ہے جسے کام کے دوران یا کام مکمل ہونے کے بعد ایک ساتھ بیٹھ کر کھایا جاتا ہے۔

اگر ونگار کسی ایک شخص کی زمین پر کیا جارہا ہو تو کھانے کا انتظام اس کی ذمہ داری ہوتی ہے، اگر مختلف افراد اپنی مدد کے لیے گاؤں والوں کو بلاتے ہیں تو کھانے کا انتظام بھی وہ مل جل کر کرتے ہیں۔

آج کے اس افراتفری اور لسانیت کے دور میں، جب شہروں میں پڑوسی بھی پڑوسی سے بے خبر ہوتا ہے، ونگار ایک ایسی روایت ہے جو معاشرے کو مل کر کام کرنے، اختلافات بھلانے اور ایک دوسرے کی مدد کرنے کا سبق دیتی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں