The news is by your side.

Advertisement

پارٹی میں شرکت بیلجیئن شہزادے کو مہنگی پڑ گئی

برسلز: بیلجیئن شہزادے جو آخم کو پارٹی میں شرکت مہنگی پڑ گئی، شہزادے کرونا وائرس کا شکار ہو گئے۔

غیر ملکی میڈیا کے مطابق ترجمان شاہی محل نے تصدیق کی ہے کہ جو آخم نے اسپین میں دوران لاک ڈاؤن پارٹی میں شرکت کی تھی، شہزادے کا کرونا وائرس کا ٹیسٹ مثبت آ گیا ہے۔

ترجمان کا کہنا تھا 28 سالہ شہزادے نے 26 مئی کو بیلجیئم سے اسپین کا سفر کیا تھا، قرطبہ میں منعقد پارٹی میں شہزادے سمیت 27 افراد شریک ہوئے تھے، دوسری طرف ہسپانوی حکام نے کہا ہے کہ قرطبہ میں 15 سے زائد افراد کے اجتماع پر پابندی ہے۔

شاہی محل کے مطابق شہزادہ جو آخم بیلجیئم کے شاہ فلپ کے بھتیجے ہیں۔

واضح رہے کہ بیلجیئم دنیا کا آٹھواں ملک ہے جہاں کرونا وائرس سے سب سے زیادہ اموات ہو چکی ہیں، وبا اب تک بیلجیئم میں 9,453 مریضوں کی جانیں لے چکی ہے، جب کہ وائرس سے متاثر ہونے والے افراد کی تعداد 58 ہزار سے زائد ہے۔

وائرس سے متاثر ہونے والے 16 ہزار کے قریب مریض صحت یاب بھی ہو چکے ہیں، 33 ہزار مریض زیر علاج ہیں، اور 200 کے قریب مریضوں کی حالت تشویش ناک ہے۔ بیلجیئم میں دس لاکھ آبادی میں کرونا سے اموات کی شرح 816 ہو چکی ہے۔

Comments

یہ بھی پڑھیں