راولپنڈی : انسداد دہشت گردی کی عدالت میں بے نظیر قتل کیس کی سماعت آج پھر ہوگی۔ خصوصی عدالت میں دوہفتوں میں بے نظیر قتل کیس کی یہ تیسری سماعت ہے۔
ذرائع کے مطابق عدالت میں آج مزید گواہ پیش کیے جائینگے ، ان گواہوں میں سابق وزیراعظم کے ڈرائیور عبدالرحمان ،سابق ایس پی اشتیاق شاہ اور ڈاکٹر اعظم اپنے بیانات ریکارڈ کرائینگے۔
علاوہ ازیں امریکی صحافی مارک سیگل کے ویڈیو لنک کے ذریعے بیان ریکارڈکرانے کے انتظامات کے حوالے سے بھی عدالت کو بتایا جائے گا۔
- Advertisement -
یاد رہے کہ اس قبل مارک سیگل نے گزشتہ سماعت پر بیان ریکارڈ کرانا تھا تاہم طعبیت خراب ہونے کے باعث انہوں نے معذرت کرلی تھی۔
ذرائع کا کہنا ہے کہ امریکی صحافی مارک سیگل آج دوستمبر کو اپنا بیان ریکارڈ کرائیں گے۔
