ماضی میں بالی وڈ کی سپرہٹ فلموں میں جلوہ گر ہونے والی اداکارہ بھاگیہ شری کا کہنا ہے کہ عوام میں یہ تاثر پایا جاتا ہے کہ بالی وڈ میں کام کرنے والے اچھے لوگ نہیں ہوتے۔
اپنے دور کی معورف اداکارہ بھاگیہ شری کا ایک انٹرویو کے دوران اظہار خیال کرتے ہوئے کہنا تھا کہ اکثریت کا یہ ماننا ہے کہ بالی ووڈ سے تعلق رکھنے والے اچھے نہیں ہوتے۔ بالی ووڈ میں کام کرنے والوں سے متعلق لوگوں کی رائے ہے کہ یہ بدتمیز اور بے حس ہوتے ہیں۔
سلمان خان کے ساتھ کئی فلموں میں کام کرنے والی بھاگیہ شری نے کہا کہ عام لوگوں میں یہ تاثر پایا جاتا ہے کہ فلم نگری میں کام کرنے والے برے ہیں۔
انھوں نے کہا کہ ہمیں اپنے متعلق ہر وقت یہ ثابت کرنے کی ضرورت رہتی ہے کہ ہم بھی عام لوگوں جیسے ہیں اور بہت سے روز مرّہ کے کام انہی کی طرح انجام دیتے ہیں۔
بھاگیہ شری نے کہا کہ کوئی اداکار اگر کھانا پکاتے یا صفائی کرتے اپنی تصاویر سوشل میڈیا پر پوسٹ کرتا ہے تو لوگ کہتے ہیں ان کے گھر میں تو یہ سب کرنے کے لیے ملازم ہوں گے۔
ان کا کہنا تھا کہ لوگوں کو سمجھنا چاہیے کہ ہم آپ جیسے ہی ہیں، اپنے گھر کو صاف کرتے ہیں، کھانا کھاتے ہیں تو پکاتے بھی ہیں۔
اداکارہ کے مطابق اگرکسی کا تعلق فلم انڈسٹری سے چاہے وہ اداکار ہو ڈائریکٹر ہو یا پھر دیگر عملہ لوگ ان کے معاملے تھوڑے بے حس یا بدتمیز ہوجاتے ہیں جو کہ مناسب نہیں۔
