کراچی: پی ٹی آئی کراچی کی صدارت بلال غفار سے لیے جانے کا امکان ہے۔
تفصیلات کے مطابق کراچی میں ضمنی انتخابات کے معاملے پر عمران خان نے پی ٹی آئی کراچی کی قیادت اور سابق ایم این ایز کو لاہور طلب کر لیا ہے۔
ذرائع کا کہنا ہے کہ اجلاس میں کراچی کی صدارت بلال غفار سے لے کر آفتاب صدیقی کو دیے جانے کا اعلان بھی کیا جا سکتا ہے۔
- Advertisement -
اجلاس میں عمران خان کو کراچی ضمنی انتخابات کی تیاریوں پر بریفنگ دی جائے گی، اجلاس آج 4 بجے عمران خان کی قیادت میں زمان پارک میں ہوگا۔
ذرائع پی ٹی آئی کے مطابق سابق ایم این ایز کو ضمنی الیکشن میں مختلف ذمہ داریاں سونپی جائیں گی، چیئرمین پی ٹی آئی کراچی کی قیادت کے حوالے سے اہم فیصلہ کریں گے۔
ذرائع نے بتایا کہ عمران خان کراچی کی صدارت بلال غفار سے لے کر آفتاب صدیقی کو دینے کا بھی اعلان کر سکتے ہیں۔
