لاہور: بلاول بھٹوزرداری پنجاب میں پارٹی رہنماؤں پربرس پڑے، انہوں نے کہا کہ آپ لوگ کچھ کرتے تو پیپلزپارٹی بلدیاتی انتخابات میں اس طرح ناکام نہ ہوتی، عوام سے دور رہنے والوں کی پارٹی کو ضرورت نہیں.
تفصیلات کے مطابق بلاول ہاؤس لاہورمیں ہونےوالے اجلاس کےاندرکی کہانی سامنےآگئی۔ دیوقامت دیواروں والے کسی قلعے جیسے بلاول ہاؤس لاہورمیں پارٹی چیئرمین نےسینئر رہنماؤں کوکھری کھری سنادیں.
بلاول ہاؤس کے اجلاس میں چیئرمین نے پیپلز پارٹی پنجاب کے رہنماؤں کو کہا کہ آپ لوگ کچھ کرتے تو پیپلز پارٹی بلدیاتی انتخابات میں اس طرح ناکام نہ ہوتی۔
غریب لوگ پیپلز پارٹی کو اپنی امیدوں کا مرکز سمجھتے ہیں لیکن آپ لوگوں کے پاس وقت نہیں، رہنما کام کرتے تو پنجاب میں پارٹی کایہ حال نہ ہوتا.
اجلاس میں راجہ ریاض نے کہا کہ چیئرمین صاحب فیصل آباد کا دورہ کریں وہاں لوگ آپ کے منتظر ہیں جس پر بلاول نے کہا کہ راجا صاحب میں تو فیصل آباد آؤں گا پہلے آپ اپنی کارکردگی تو بتائیں۔
بلاول بھٹو زرداری نے صاف کہا کہ عوام سے دور رہنے والوں کی انہیں ضرورت نہیں۔ ایک رہنماء نے اے آروائی نیوز سے گفتگو میں کہا کہ یوں لگ رہا تھا جیسے اجلاس کی صدارت خود بینظیر کررہی ہوں۔
