وزیر خارجہ بلاول بھٹو زرداری دو روزہ سرکاری دورے پر جرمنی پہنچ گئے ہیں، برلن ایئرپورٹ پر ان کا جرمن حکام اور پاکستان سفارتخانے کے حکام نے استقبال کیا۔
اے آر وائی نیوز کے مطابق بلاول بھٹو زرداری دو روزہ سرکاری دورے پر جرمنی پہنچ گئے ہیں، وہ اپنے دورے کے دوران جرمن حکام سے ملاقاتیں کریں گے اور خارجہ امور سمیت تجارت اور دیگر باہمی تعلقات اور تعاون کے معاملات پر تبادلہ خیال کیا جائے گا۔
واضح رہے کہ بلاول بھٹو تین روز قبل ہی امریکا کا دورہ مکمل کرکے وطن واپس پہنچے تھے، انہوں نے آمد کے فوری بعد اسپتال جاکر اپنے والد آصف زرداری کی عیادت کی تھی۔
وزیر خارجہ نے اپنے دو ہفتے طویل دورہ امریکا میں اقوام متحدہ کی جنرل اسمبلی میں شرکت کے علاوہ امریکی حکام سمیت دیگر عالمی رہنماؤں سے ملاقاتیں کی تھیں۔
یہ بھی پڑھیں: بلاول بھٹو امریکا کا دورہ مکمل کرکے وطن واپس پہنچ گئے
دورہ امریکا کے دوران بلاول بھٹو کو نیویارک میں دنیا کے نوجوان وزرائے خارجہ کی کانفرنس کی صدارت کرنے کا اعزاز بھی حاصل ہوا تھا۔
