لاہور : چیئرمین پیپلز پارٹی بلاول بھٹو کل بہنوں کے ساتھ سالگرہ منائیں گے اور واپس آنے کے بعد سیاسی محاذ سنبھالیں گے۔
تفصیلات کے مطابق چیئرمین پیپلزپارٹی بلاول بھٹوزرداری دبئی پہنچ گئے، جہاں وہ پانچ روز قیام کریں گے اور کل بہنوں کے ساتھ سالگرہ منائیں گے۔
سابق صدر آصف زرداری لاہور میں پارٹی معاملات دیکھیں گے اور سی ای سی اجلاس کے بعد اہم رابطے کریں گے، بلاول بھٹو زرداری واپس آنے کے بعد سیاسی محاذ سنبھالیں گے۔
گذشتہ روز چیئرمین پیپلزپارٹی بلاول بھٹو نے میڈیا سے گفتگو کرتے ہوئے کہا تھا کہ سی ای سی نے لیول پلینگ فیلڈ پر اعتراضات پر زرداری صاحب کوٹاسک دیاہے، والدصاحب کو اتنا اسپیس دیں کہ ہمارے اعتراضات کو دور کیا جائے، جہاں تک لیول پلینگ فیلڈکی بات ہے وہ سب کو نظر آرہا ہے، لیول پلینگ فیلڈ کا مطالبہ مسلم لیگ نواز سے ہے۔
نواز شریف کی واپسی پر بلاول بھٹو کا کہنا تھا کہ پیپلزپارٹی کا بہت پرانا مطالبہ ہے کہ میاں صاحب واپس آئے، میاں صاحب نے واپسی کی تاریخ کااعلان کیا ہے پیپلزپارٹی ویلکم کرے گی ، جہاں تک کیسز کا سوال ہے ہم بھی سامنا کرنےکوتیارہیں، امیدہےمیاں صاحب بھی کیسزکاسامنا کریں گے۔
انتخابات کے حوالے سے چیئرمین پی پی نے کہا تھا کہ الیکشن کی تاریخ کےاعلان کا اختیار الیکشن کمیشن کےسوا کسی کے پاس نہیں۔
