وزیر خارجہ بلاول بھٹو زرداری نے سندھ کے 14 اضلاع میں بلدیاتی الیکشن میں کامیابی پر پی پی پر مبارکباد پیش کی ہے۔
پاکستان پیپلز پارٹی کے چیئرمین اور وزیر خارجہ بلاول بھٹو زرداری نے سماجی رابطوں کی ویب سائٹ ٹوئٹر پر اپنے ٹوئٹ میں سندھ کے 14 اضلاع میں بلدیاتی الیکشن میں کامیابی پر پی پی کو مبارکباد پیش کرتے ہوئے کہا ہے کہ عوام نے نفرت اور تقسیم کی سیاست کو مسترد کردیا ہے۔
بلاول بھٹو نے اپنے ٹوئٹ میں مزید لکھا ہے کہ لوگوں نے مذہب یا نسل پرستی کی بنیاد پر سیاست کو مسترد کر دیا اور پرامن، خوشحال، ترقی پسند سندھ کا انتخاب کیا، عوام نے کل کے انتخابات میں جناح کا انتخاب کیا۔
Congratulations PPP on outstanding performance in LG phase 1 elections in 14 districts of Sindh. People chose a peaceful, prosperous & progressive sindh. rejected politics of hate & division. rejected politics based on religion or ethnicity. They chose Jinnah’s 🇵🇰. #جئےبھٹو
— BilawalBhuttoZardari (@BBhuttoZardari) June 27, 2022
واضح رہے کہ پی پی کے صوبائی وزیر سعید غنی نے بلدیاتی الیکشن کے پہلے مرحلے کے نتائج آنے کے بعد سندھ اسمبلی کے اجلاس میں ایک بڑا دعویٰ کیا ہے۔
یہ بھی پڑھیں: کراچی کا اگلا میئر ہمارا ہوگا، پیپلز پارٹی کا بڑا دعویٰ
سعید غنی نے سندھ اسمبلی میں اظہار خیال کرتے ہوئے دعویٰ کیا کہ کراچی میں اگلا میئر پاکستان پیپلز پارٹی کا ہوگا۔