دنیا کے نمبر ون یوٹیوبر مسٹر بیسٹ جن کے ارب پتی ہونے میں کوئی شک نہیں وہ اپنی شادی کےلیے پیسے ادھار لینے پر مجبور ہوگئے۔
دنیا بھر میں اپنی ویڈیوز کی وجہ سے مشہور انفلوئنسر جن کا اصل نام جمی ڈونلڈسن ہے جبکہ وہ یو ٹیوب پر مسٹر بیسٹ کے نام سے جانے جاتے ہیں ان کا کہنا ہے کہ ان کے پاس زیادہ ذاتی پیسے نہیں ہیں اور وہ اپنی شادی کےلیے والدہ سے رقم ادھار لیں گے۔
سوشل میڈیا پلیٹ فارم ایک (سابقہ ٹوئٹر) پر انھوں نے پوسٹ شیئر کی کہ انھو نے اپنی آنے والی شادی کے اخراجات کی میں مدد کے لیے اپنی والدہ سے رقم ادھار مانگی ہے۔
مسٹر بیسٹ نے ایکس پر کہا کہ "میرے پاس ذاتی طور پر بہت کم پیسے ہیں کیونکہ میں ہر چیز کی دوبارہ سرمایہ کاری کرتا ہوں (میرے خیال میں اس سال ہم کانٹینٹ پر ایک چوتھائی ارب خرچ کریں گے)”۔
انھوں نے مزید لکھا کہ "ستم ظریفی یہ ہے کہ میں اپنی آنے والی شادی کی ادائیگی کے لیے اصل میں اپنی ماں سے ڈالرز ادھار لے رہا ہوں، تاہم اس میں کوئی شک نہیں کہ کاغذات کے تحت جو کاروبار میرے پاس ہیں وہ بہت قیمتی ہیں”۔
سوشل میڈیا صارفین نے ان کی پوسٹ پر ردعمل کا اظہار کرتے ہوئے لکھا کہ آپ نے ایک سلطنت بنائی، کانٹینٹ پر کروڑوں خرچ کیے اور پھر بھی شادی کے لیے ماں کی مدد، عاجزی برقرار رکھیں لیجنڈ۔
ایک اور صارف نے لکھا کہ "لیکن جو پیسہ آپ اپنی ماں سے ادھار لے رہے ہیں وہ شاید آپ نے نے ہی انھیں دیے ہونگے، ایک شخص نے لکھا کہ "مجھے امید ہے کہ یہ ایک مذاق ہے، 10 سالہ بچے کے علاوہ کوئی بھی اس پر یقین نہیں کرے گا”۔
دنیا کے سب سے بڑے یوٹیوبر مسٹر بیسٹ کا پاکستانی یوٹیبر کیساتھ تاریخی اشتراک
