لاہور: صوبہ پنجاب کے شہر ڈسکہ میں شادی کے چار سال بعد رہائشی علی رضا کے گھر ایک ساتھ چار بچوں کی پیدائش ہوئی ہے۔
تفصیلات کے مطابق لاہور کے علاقے ڈسکہ کے رہائشی علی رضا کے گھر میں ایک ساتھ چار بچوں کی پیدائش ہوئی ہے، پورا خاندان اس موقع پر خوشی سے جھوم اُٹھا۔
ڈاکٹر شازیہ چیمہ کے مطابق بچوں میں تین بیٹے اور ایک بیٹی کی پیدائش ہوئی، ماں اور بچے دونوں خیریت سے ہیں۔
رپورٹ کے مطابق تین بیٹے اور ایک بیٹی کی پیدائش کے بعد علی رضا کے گھر مبارک باد دینے والوں کا تانتا بندھ گیا ہے۔
مزید پڑھیں: لاہور، خاتون کے ہاں بیک وقت 4 بچوں کی پیدائش
واضح رہے کہ رواں سال جون میں بھی لاہور میں نجی اسپتال میں خاتون کے ہاں 4 بچوں کی پیدائش ہوئی تھی۔
لاہور کے علاقے جلوموڑ کے رہائشی محمد قیصر کی اہلیہ نے 4 بچوں کو جنم دیا تھا، جن میں 2 لڑکیاں اور 2 لڑکے شامل ہیں۔
بچوں کے والدین کا کہنا تھا کہ ان کی اچھی پرورش کریں گے اور اعلیٰ تعلیم دلوائیں گے۔
