بشکیک : کرغزستان میں پھنسے پاکستانی طالب علم کا کہنا ہے کہ کرغز بلوائی ہاسٹل خالی کرنے کے لئے دھمکیاں دے رہے ہیں، نکل کرکہاں جائیں۔
تفصیلات کے مطابق کرغزستان کے دارالحکومت بشکیک میں پاکستانی طالب علم محصور ہیں ، طالب علم نے اے آروائی نیوز سے گفتگو کرتے ہوئے کہا کہ کرغز بلوائی ہاسٹل خالی کرنے کے لئے دھمکیاں دے رہے ہیں
پاکستانی طالب علم کا کہنا تھا کہ پاکستانی حکام کی جانب سےکوئی مدد فراہم نہیں کی گئی، ہمیں گھروں سے نکل جانے کیلئے کہا جا رہا ہے، حالات کشیدہ ہیں سمجھ نہیں آرہاگھرسےنکل کرکہاں جائیں۔
طالبعلم نے اپیل کی کہ سیکیورٹی خدشات ہیں،ہماری تصاویراورنام ظاہر نہ کئے جائیں۔
اس سے قبل ایک اور پاکستانی طالبعلم نے اے آر وائی نیوز سے گفتگو کرتے ہوئے بتایا تھا کہ جان سے مارنے کیلئے بار بار ہاسٹل پر حملے کیےجارہےہیں ، طلباہوسٹل میں قید ہوکر رہ گئے اور طالبات کوہراساں کیا جارہا ہے۔
پاکستانی طالبعلم کا کہنا تھا کہ پاکستانیوں کو مارا جارہا ہے ، لڑکیوں کو ہراساں کیا جارہا ہے ،کوئی محفوظ نہیں۔
طالبعلم نے کہا تھا کہ کرغز سمجھے جھگڑا کرنے والے پاکستانی ہے، پاکستانی سفارتخانہ مدد نہیں کررہا، حکومت مدد کرے۔
