پشاور: پولیس نے بٹگرام چیئرلفٹ واقعے کے بعد چیئر لفٹ کے مالک اور آپریٹر کو کوتاہی برتنے پرگرفتار کر لیا۔
تفصیلات کے مطابق پولیس کا کہنا ہے کہ بٹگرام چیئر لفٹ واقعے کے بعد چیئر لفٹ کے مالک گلزرین اور آپریٹر اعجاز کو گرفتار کرلیا گیا ہے۔
پولیس کے مطابق چیئر لفٹ کے کنٹرول روم کو بھی سیل کردیا گیا ہے اور گرفتار ملزمان کے خلاف ایف آئی آر درج کی جا رہی ہے۔
اس حوالے سے پولیس کا کہنا ہے کہ ملزمان کو کوتاہی برتنے پر گرفتار کیا گیا ہے، ایف آئی آر میں کوتاہی برتنے کی 5 مختلف دفعات شامل کی جائیں گی۔
بٹگرام، چیئر لفٹ میں پھنسے تمام افراد کو ریسکیو کرلیا گیا
پولیس کا کہنا ہے کہ چیئرلفٹ کے کنٹرول روم کو سیل کرکے تالے لگا دیئے گئے، واقعے سے متعلق مزید تحقیقات جاری ہیں۔
واضح ہے کہ بٹگرام چیئر لفٹ سے بچے صبح 7 بجے کے وقت اپنے اسکول جارہے تھے کہ لفٹ کی تین میں سے دو رسیاں ٹوٹنے سے چیئرلفٹ تقریباً 900 فٹ کی بلندی پر پھنس گئی۔
اس چیئر لفٹ میں 8 لوگ سوار تھے جسے کئی گھنٹے کے آپریشن کے بعد صحیح سلامت رسیکیو کرلیا گیا تھا۔
