The news is by your side.

Advertisement

افغانستان: جلال آباد میں‌ خود کش حملہ، طالبان کا جنگ بندی میں توسیع سے انکار

جلال آباد: افغانستان کے شہر جلال آباد میں گورنرہاؤس کے قریب خودکش حملے میں سترہ افراد زندگی کی بازی ہار گئے.

تفصیلات کے مطابق حملے میں‌ سترہ افراد ہلاک، جب کہ پچاس سے زائد زخمی ہوئے، واقعے کے فوری بعد امدادی کارروائی شروع کر دی گئی اور زخمیوں‌ کا اسپتال پہنچ دیا گیا.

دھماکا اُس وقت ہوا جب جنگ بندی کے دوران صوبے کے گورنر طالبان کے ایک گروہ سے ملاقات کر رہے تھے۔ اس سے ایک روز قبل جلال آباد میں‌ ہونے والے دھماکے میں 36 ہلاکتیں ہوئی تھیں.

اطلاعات کے مطابق اس دھماکے کی ذمے داری شدت پسند تنظیم دولتِ اسلامیہ نے قبول کی ہے۔

واضح رہے کہ افغان طالبان نے بھی جنگ بندی میں توسیع نہ کرنے کا اعلان کرتے ہوئے صدر اشرف غنی کی پیش کش مسترد کر دی ہے. طالبان کی جانب سے سکیورٹی فورسز کے خلاف کارروائیوں شروع کرنے کا اعلان کیا گیا ہے.

واضح رہے کہ افغان صدر اشرف غنی نے ٹی وی پر خطاب کرتے ہوئے طالبان کے ساتھ جنگ بندی میں توسیع کا اعلان کیا تھا۔ اشرف غنی کا کہنا تھا  کہ حکومت طالبان کے ساتھ طویل المدتی مذاکرات کے لیے تیار ہے۔


افغان صدر کا طالبان کے ساتھ جنگ بندی میں توسیع کا اعلان


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں