The news is by your side.

Advertisement

افغانستان: دھماکے میں 6 افراد جاں بحق

کابل: افغانستان کے شہر ہرات میں دھماکے سے 6 افراد جاں بحق ہو گئے۔

تفصیلات کے مطابق افغانستان کے شہر ہرات میں زوردار دھماکے کے نتیجے میں چھ افراد جاں بحق ہو گئے، متعدد افراد کے زخمی ہونے کی بھی اطلاع ہے۔

میڈیا رپورٹس کے مطابق افغانستان کے مغربی شہر ہرات میں ہونے والا دھماکا ایک منی وین میں ہوا، دھماکے کی وجہ تاحال واضح نہیں ہو سکی ہے۔

کسی گروپ نے تاحال دھماکے کی ذمہ داری قبول نہیں کی ہے، سیکیورٹی اداروں نے موقع پر پہنچ کر علاقے کو گھیرے میں لے لیا اور فوری سرچ آپریشن شروع کر دیا۔

ہرات میں طالبان کمانڈر مولوی انصاری نے دھماکے میں ہلاکتوں کی تصدیق کرتے ہوئے بتایا کہ دھماکے میں نو افراد زخمی ہوئے ہیں۔ دھماکا ہفتے کی شام چھے بجے کے فوری بعد پبلک ٹرانسپورٹ کے لیے استعمال ہونے والی ایک چھوٹی وین میں ہوا۔

زخمیوں میں تین افراد کی حالت تشویش ناک بتائی جا رہی ہے، یاد رہے کہ گزشتہ دنوں افغانستان کے صوبے ننگر ہار میں بھی دھماکا ہوا تھا جس میں معصوم بچوں سمیت 9 افراد جاں بحق ہو گئے تھے اور کئی افراد زخمی بھی ہوئے۔

واضح رہے کہ گزشتہ سال اگست میں طالبان کے اقتدار سنبھالنے کے بعد سے افغانستان بھر میں متعدد بم دھماکے اور حملے ہوئے ہیں، داعش نے ان میں سے بعض بم حملوں کی ذمے داری قبول کرنے کے دعوے کیے ہیں۔

Comments

یہ بھی پڑھیں