The news is by your side.

Advertisement

خرگوش جیسی خصوصیات رکھنے والی نایاب بلی

جاپان میں بلی کی ایک نایاب نسل ہے جس کی خصوصیت یہ ہے کہ دیگر بلیوں کی طرح لمبی لچکدار دم کی بجائے اس کی مختصر خرگوش نما دم ہے۔

بلی کی یہ غیر معمولی نسل جسے بوب ٹیل کہا جاتا ہے، جاپان میں کب پہنچی یہ کسی کو واضح طور پر معلوم نہیں لیکن یہ کم از کم کئی صدیوں سے جاپانی ثقافت کا حصہ ہے۔

غیر ملکی میڈیا کے مطابق بلی کی اس مخصوص نسل نے 1600 کی دہائی کے اوائل میں جاپان کے ریشم کے کیڑے کی پیداوار کو محفوظ رکھنے میں اہم کردار ادا کیا جس کے بعد اگلی صدی تک بوب ٹیل بلیوں کی جاپان میں کافی مانگ رہی۔

کہا جاتا ہے کہ جاپانی بوب ٹیل بلی کی چھوٹی دم ایک قدرتی جنیاتی تبدیلی کا نتیجہ ہے جس میں دم کا سائز چھوٹا ہوتا ہے جبکہ مناسب بوب ٹیل سمجھے جانے کے لیے بلی کی دم 3 انچ سے زیادہ لمبی نہیں ہونی چاہیئے۔

رپورٹس کے مطابق اس بوب ٹیل بلی کی دم خرگوش کی دم کی طرح ملائم اور نرم ہوتی ہے اور یہ کسی بھی سمت میں گھوم سکتی ہے۔

اس بلی کی قیمت تقریباً 1600 امریکی ڈالرز (یعنی تقریباً 2 لاکھ 80 ہزار پاکستانی روپے) ہے۔

Comments

یہ بھی پڑھیں