جامشورو: کوٹری سائٹ میں میاں بیوی اور بچے کی گلاکٹی لاشیں برآمد ہوئیں ، پولیس نے جائے وقوع سے آلہ قتل برآمد کرکے تفتیش شروع کر دی ہے۔
تفصیلات کے مطابق جامشورو میں ایک لرزہ خیز واقعے پیش آیا، جس میں کوٹری میں ایک خاندان کے تین افراد کی گلا کٹی لاشیں ملیں۔
مقتولین میں میاں بیوی اور ان کے بچے شامل ہیں ، مقتولین کوٹری سائٹ کے علاقے سکندرآباد کالونی میں کرائے کے گھرمیں رہتے تھے۔
پولیس کا کہنا ہے کہ لاشوں کو قانونی کارروائی کے لیے اسپتال منتقل کر دیا گیا ہے، جبکہ قتل کی لرزہ خیز وجوہات جاننے کے لیے تفتیش شروع کر دی گئی ہے۔
جائےوقوعہ سے آلہ قتل برآمدکرلیاگیا، واقعہ ذاتی دشمنی کاہےیاڈکیتی، تحقیقات جاری ہیں۔
گزشتہ سال نومبر میں کراچی کے علاقے گلستان جوہر میں واقع شیر محمد گوٹھ سے ایک خاتون اور تین بچوں کی گلا کٹی ہوئی لاشیں ملی تھیں۔
جاں بحق ہونے والوں کی شناخت صائمہ زوجہ ارشد، دو سالہ احد، 7 سالہ شاہ زین اور نو سالہ اشہد کے نام سے ہوئی تھی، پولیس نے بتایا کہ ماں اور اس کے بچوں کے گلے تیز دھار آلے سے کاٹے گئے تھے۔
