برلن : باڈی بلڈنگ کے شعبے میں دنیا بھر میں نام کمانے والے جرمنی کے مشہور باڈی بلڈر جو لِنڈنر کا 30سال کی عمر میں اچانک انتقال ہوگیا۔
غیر ملکی خبر رساں ادارے کی رپورٹ کے مطابق ڈاکٹروں کا کہنا ہے کہ جو لِنڈر کی گردن سے دماغ تک خون پہنچانے والی اہم رگوں میں سوجن کے باعث موت واقع ہوئی۔
- Advertisement -
رپورٹس کے مطابق جو لِنڈر کی انتہائی قریبی دوست نے انسٹاگرام پر اس کی موت کی تصدیق کرتے ہوئے بتایا ہے کہ وہ 3دن پہلے سے بار بار کہہ رہا تھا کہ میری گردن میں درد ہے لیکن ہم نے اس پر زیادہ توجہ نہیں دی۔ اس نے انکشاف کیا کہ جو لنڈنر کی موت 9 گھنٹے قبل اچانک خون کی کمی سے ہوئی۔
غیرملکی میڈیا کے مطابق جو لِنڈر کا تعلق جرمنی سے تھا تاہم وہ کئی سال سے تھائی لینڈ میں رہ رہے تھے۔ رپورٹس کے مطابق جو لِنڈر کے مختلف سوشل میڈیا اکاؤنٹس پر فالوورز کی تعداد لاکھوں میں ہے۔
