The news is by your side.

Advertisement

74 سال بعد کتاب لائبریری لوٹ گئی

کیلی فورنیا: امریکی ریاست کیلی فورنیا کی خاتون نے 74 سال بعد والدہ کی لی گئی کتاب لائبریری انتظامیہ کو واپس لوٹا دی، سات دہائیوں بعد ملنے والی کتاب کو دیکھ کر عملہ بھی حیران رہ گیا۔

تفصیلات کے مطابق امریکی ریاست کیلی فورنیا میں واقع برکیلی پبلک لائبریری کا عملہ اس وقت ورطہ حیرت میں مبتلا ہوا جب ایک خاتون وہ کتاب واپس کرنے پہنچ گئی جو 1945 میں ان کی والدہ نے حاصل کی تھی اور پر واپس کی تاریخ‌ اسی سال 10 ستمبر کی درج تھی۔

دُرہم نامی خاتون نے بتایا کہ تعلیم سے فراغت کے بعد وہ گھر کی صفائی کررہی تھیں کہ اس دوران انہیں مصنف سر والٹر اسکاٹس کی کتاب’لیڈی آف دی لیک‘ملی جسے کھولنے پر معلوم ہوا کہ یہ کتاب 74 سال قبل ان کی والدہ نے برکیلی پبلک لائبریری سے حاصل کی تھی اور واپس کرنا بھول گئی تھی۔

خاتون نے بتایا کہ وہ بلا کسی خوف و خطر اور جرمانے کی پرواہ کیے بغیر لائبریئری آئیں اور کتاب واپس کردی۔ سات دہائیوں بعد ملنے والی کتاب کو دیکھ کر عملہ بھی حیران رہ گیا اور ان کی حیرت میں اس وقت مزید اضافہ ہوگیا جب پوری کتاب کی پڑتال کرنے بعد پتہ چلا کہ کتاب کو کسی قسم کا نقصان نہیں پہنچا بلکہ وہ اپنی اصلی حالت میں موجود ہے۔

برکیلی پبلک لائبریری کی انتظامیہ کا کہنا ہے کہ انہوں نے گزشتہ سال تاخیر سے کتاب واپسی پر ہونے والے جرمانے کو ختم کردیا ہے تاکہ لوگ بلا جھجک برسوں پرانی کتابیں انہیں واپس کردیں۔

Comments

comments

یہ بھی پڑھیں