لندن: پاکستانی نژاد برطانوی باکسر عامر خان اپنی اہلیہ اور دونوں بیٹیوں کے ہمراہ چھٹیاں گزارنے دبئی پہنچے۔
تفصیلات کے مطابق عامر خان دو روز قبل اپنی اہلیہ فریال مخدوم، لمائسا خان اور علینا خان کے ہمراہ دبئی پہنچے جہاں انہوں نے چند روز قیام اور سیر و تفریح کی۔
عامر خان کے اہل خانہ کی تصاویر سوشل میڈیا پر وائرل ہوئیں جنہیں صارفین نے بہت پسند کیا۔
یاد رہے کہ دو برس قبل پاکستانی نژاد باکسر اور اُن کی اہلیہ کے درمیان تعلقات اس قدر کشیدہ ہوگئے تھے کہ دونوں نے راہیں جدا کرلیں تھیں البتہ عامر خان نے معاملے کو افہام و تفہیم سے حل کیا اور دونوں صلح نامے پر راضی ہوئے۔
View this post on Instagram
With my babies Lamaisah and Alayna ready to go on a adventure #mydubai #buggy #Holiday
عامر خان اور فریال مخدوم 2013 میں رشتہ ازدواج میں منسلک ہوئے جس کے بعد اُن کے ہاں 2014 میں بیٹی کی پیدائش ہوئی جس کا نام انہوں نے لمائسا خان رکھا بعد ازاں 24 اپریل 2018 کو اُن کے ہاں علینا خان کی پیدائش ہوئی۔
واضح رہے کہ دو برس قبل پاکستانی نژاد برطانوی باکسر عامر خان کی دو سال بعد رنگ میں واپسی ہوئی تھی اور انہوں نے اپنے کینیڈین حریف باکسر گریکو کو محض 39 سیکنڈ میں شکست سے دوچار کیا تھا۔
