The news is by your side.

ساؤپالو: بینک ڈکیتی کی کوشش ناکام، 10 ڈاکوہلاک، پندرہ فرار

ساؤپالو: برازیل میں پولیس نے بینک ڈکیتی کی کوشش ناکام بنادی، مقابلے میں دس ڈاکو مارے گئے۔

تفصیلات کے مطابق برزیل کے شہر ساؤپالو میں پولیس کی ایک بڑی کارروائی سامنے آئی، بینک ڈکیتی کی کوشش کانام بناتے ہوئے دس ڈاکوؤں کو بھی ہلاک کردیا جبکہ پندرہ فرار ہوگئے۔

برازیلی میڈیا کے مطابق ڈکیتی کی یہ کوشش ساؤ پالو کے نجی بینک میں کی گئی، سیکیورٹی الارم بجتے ہی پولیس نے جائے وقوع پر پہنچ کر بینک کو اپنے حصار میں لے لیا۔

بعد ازاں ملزمان نے فرار ہوتے ہوئے پولیس پر فائرنگ شروع کردی جوابی کارروائی میں دس مشتبہ ڈاکو موقع پر مارے گئے۔

پولیس کا کہنا ہے کہ ملزمان کا پچیس رکنی گینگ تھا جو پانچ گاڑیوں میں جدید اسلحے سے لیس ہوکر پوری تیاری کے ساتھ آیاتھا۔

پولیس نے فرار ہونے پندرہ ملزمان کی تلاش شروع کردی ہے، پولیس کی جانب سے یہ کارروائی اہم اور بڑی تصور کی جارہی ہے، پولیس نے دیگر ملزمان کی تلاش کے لیے چھاپے مارنا شروع کردیے۔

ساؤپالو میں کرائم کی واردات معمول بن چکی ہے۔خیال رہے کہ گذشہ ماہ 13اسی شہر میں مارچ کو اسکول میں دو نوجوان طالب علموں نے فائرنگ کر کے آٹھ افراد کو ہلاک اور متعدد کو زخمی کر دیا تھا۔

ساؤپالو: پرتشدد واقعات میں 12افراد ہلاک

یاد رہے کہ جنوری 2014 میں ساؤ پالو میں چند گھنٹوں کے دوران فائرنگ اور پرتشدد واقعات میں بارہ افراد ہلاک ہوئے تھے، پولیس کا کہنا تھا کہ ساؤ پالو کے شمالی علاقے میں نامعلوم مسلح افراد نے تین گھنٹے کے دوران ایک ہی طریقہ کار سے بارہ افراد کو موت کے گھاٹ اتارا۔

Comments

یہ بھی پڑھیں